یوں ترے شہر سے ہم یار چلے آتے ہیں

یوں ترے شہر سے ہم یار چلے آتے ہیں

جیسے کعبے سے گنہ گار چلے آتے ہیں

عشق میں قیس نے صحراؤں کو چھانا ہوگا

ہم وہ مجنوں ہیں جو بازار چلے آتے ہیں

رات بھر تم بھی اداسی کا سبب بنتے ہو

دن نکلتا ہے تو اخبار چلے آتے ہیں

یہ ترے شہر کی رسوائی نہیں تو کیا ہے

ہم ترے شہر سے بیمار چلے آتے ہیں

وہ بلاتا ہے جسے پیار سے اپنی جانب

میں تو پاگل ہوں سمجھ دار چلے آتے ہیں

yun tire shahr se ham yar chale ate hain

jaise kaabe se gunah gar chale ate hain

ishq mein qais ne sahraon ko chhana hoga

ham wo majnun hain jo bazar chale ate hain

rat bhar tum bhi udasi ka sabab bante ho

din nikalta hai to akhbar chale ate hain

ye tire shahr ki ruswai nahin to kya hai

ham tire shahr se bimar chale ate hain

wo bulata hai jise pyar se apni janib

main to pagal hun samajh dar chale ate hain