آنکھوں کو کچھ خواب دکھا کر مانیں گے

آنکھوں کو کچھ خواب دکھا کر مانیں گے

آپ ہمارے ہوش اڑا کر مانیں گے

لگتا ہے یہ پانی بیچنے والے لوگ

ہر بستی میں آگ لگا کر مانیں گے

تجھ کو چھونے کی چاہت میں دیوانے

شاید اپنے ہاتھ جلا کر مانیں گے

طے تو یہ تھا پچھلی باتیں بھولنی ہیں

آپ مگر سب یاد دلا کر مانیں گے

گھر کا جھگڑا گر باہر آ جائے گا

باہر والے اندر آ کر مانیں گے

چاہے پھر آواز چلی جائے لیکن

ہم اس کو آواز لگا کر مانیں گے

گھر پکا کرنے کی باتیں کرتے ہیں

یعنی وہ دیوار اٹھا کر مانیں گے

ankhon ko kuchh khwab dikha kar manenge

ap hamare hosh ura kar manenge

lagta hai ye pani bechne wale log

har basti mein ag laga kar manenge

tujh ko chhune ki chahat mein diwane

shayad apne hath jala kar manenge

tai to ye tha pichhli baten bhulni hain

ap magar sab yad dila kar manenge

ghar ka jhagra gar bahar a jaega

bahar wale andar a kar manenge

chahe phir awaz chali jae lekin

ham us ko awaz laga kar manenge

ghar paka karne ki baten karte hain

yaani wo diwar utha kar manenge