دنیا اگر جلائے گی تو کیا جلوں گا میں

دنیا اگر جلائے گی تو کیا جلوں گا میں

ہاں تم جلا رہے ہو تو اچھا جلوں گا میں

اشکوں کی وہ کمی کہ بدن خشک ہو چکا

اس بار جل اٹھوں گا تو سارا جلوں گا میں

تم جل نہیں سکے تو ہوائیں ہی روک لو

کب تک ان آندھیوں میں اکیلا جلوں گا میں

ہوں اشک بار مجھ کو ابھی مت جلائیے

ہوگا دھواں زیادہ جو گیلا جلوں گا میں

اب ایسے کیا بتاؤں یہ اندازہ ہے مرا

برسات کے حساب سے خاصا جلوں گا میں

duniya agar jalaegi to kya jalunga mein

han tum jala rahe ho to achchha jalunga mein

ashkon ki wo kami ke badan khushk ho chuka

is bar jal uthunga to sara jalunga mein

tum jal nahin sake to hawaen hi rok lo

kab tak in andhiyon mein akela jalunga mein

hun ashk bar mujh ko abhi mat jalaiye

hoga dhuan ziyada jo gila jalunga mein

ab aise kya bataun ye andaza hai mira

barsat ke hisab se khasa jalunga mein