مجھے وہ غم ہے کہ ساری زمین رونے لگے

مجھے وہ غم ہے کہ ساری زمین رونے لگے

جو اشک پونچھ دوں تو آستین رونے لگے

تمہیں پتہ ہے میں ایسی جگہ بھی ہنس آیا

جہاں پہ ضبط کے سب ماہرین رونے لگے

مداری جانتا تھا آخری تماشا ہے

سو کھیل ایسا کیا ناظرین رونے لگے

ترے لبوں پہ اداسی تھی ایک لمحے کو

تری ہنسی کے سبھی شائقین رونے لگے

کچھ ایسے قید کیا ہے گھروں میں قدرت نے

مکان ہنسنے لگے اور مکین رونے لگے

mujhe wo gham hai ke sari zamin rone lage

jo ashk ponchh dun to astin rone lage

tumhen pata hai main aisi jagah bhi hans aya

jahan pe zabt ke sab mahirin rone lage

madari janta tha akhiri tamasha hai

so khel aisa kiya nazirin rone lage

tire labon pe udasi thi ek lamhe ko

tiri hansi ke sabhi shaiqen rone lage

kuchh aise qaid kya hai gharon mein qudrat ne

makan hansne lage aur makin rone lage