درد غم حیات کا انجام کیا ہوا

درد غم حیات کا انجام کیا ہوا

یہ پوچھتا ہے اب دل ناکام کیا ہوا

ہم انجمن میں جا کے تماشا بنے رہے

سر اپنے بے نیازی کا الزام کیا ہوا

دامن چھڑا کے چل دئے میرے عزیز بھی

میں مقصد حیات میں ناکام کیا ہوا

احساس کی رگوں میں حرارت نہیں رہی

سامان اس حویلی کا نیلام کیا ہوا

اب مجھ سے میرا حال کوئی پوچھتا نہیں

اس شوخ کی نگاہ میں ناکام کیا ہوا

اک بھیڑ تیرے نقش قدم پر نکل پڑی

قیصرؔ تو راہ ذوق میں بدنام کیا ہوا

dard-e-gham-e-hayat ka anjam kya hua

ye puchhta hai ab dil-e-nakam kya hua

ham anjuman mein ja ke tamasha bane rahe

sar apne be niyazi ka ilzam kya hua

daman chhura ke chal diye mere aziz bhi

main maqsad-e-hayat mein nakam kya hua

ehsas ki ragon mein hararat nahin rahi

saman is haweli ka nilam kya hua

ab mujh se mera hal koi puchhta nahin

us shokh ki nigah mein nakam kya hua

ik bhir tere naqsh-e-qadam par nikal pari

qaisar to rah zauq mein badnam kya hua