خود اپنی کاوشوں سے آب و دانہ ڈھونڈ لیتے ہیں

خود اپنی کاوشوں سے آب و دانہ ڈھونڈ لیتے ہیں

پرندے اپنے رہنے کا ٹھکانا ڈھونڈ لیتے ہیں

ہتھیلی پر لیے پھرتے ہیں جو جان عزیز اپنی

سمندر کی تہوں میں بھی خزانہ ڈھونڈ لیتے ہیں

دلوں میں جن کے ملنے کی تمنا جاگ اٹھتی ہے

وہ برسوں بعد بھی رشتہ پرانا ڈھونڈ لیتے ہیں

ہنر آتا ہے جن کو دشمنوں سے بچ نکلنے کا

وہ ہنس کر چال کوئی شاطرانہ ڈھونڈ لیتے ہیں

بچا کر رکھنا ہے ہم کو یقین و اعتماد ان کا

کوئی قصہ نیا کوئی فسانہ ڈھونڈ لیتے ہیں

انہیں آتے ہیں گر وعدہ خلافی کے ہنر قیصرؔ

تو اچھا سا کوئی ہم بھی بہانہ ڈھونڈ لیتے ہیں

khud apni kawishon se ab-o-dana dhund lete hain

parinde apne rahne ka thikana dhund lete hain

hatheli par liye phirte hain jo jan-e-aziz apni

samundar ki tahon mein bhi khazana dhund lete hain

dilon mein jin ke milne ki tamanna jag uthti hai

wo barson baad bhi rishta purana dhund lete hain

hunar ata hai jin ko dushmanon se bach nikalne ka

wo hans kar chal koi shatirana dhund lete hain

bacha kar rakhna hai ham ko yaqin-o-etimad un ka

koi qissa naya koi fasana dhund lete hain

unhen ate hain gar waada khilafi ke hunar qaisar

tu achchha sa koi ham bhi bahana dhund lete hain