ہم کو کیا ہے وقت نے مجبور کیا کریں

ہم کو کیا ہے وقت نے مجبور کیا کریں

اس واسطے ہیں آپ سے ہم دور کیا کریں

خود کو اس انجمن میں وہ مشہور کیا کریں

دنیا ہے کم نصیبوں کی بے نور کیا کریں

خون شعور خون وفا خون آرزو

جلنے لگے ہیں صورت ناسور کیا کریں

دولت کا سکہ چلتا ہے سارے ہی شہر میں

نادار کیا کریں یہاں مجبور کیا کریں

پہلے ہی بے حجاب نظر آ رہے ہیں وہ

ان کو دل و نگاہ میں مستور کیا کریں

خاموش اس خیال سے بیٹھے ہیں بزم میں

روداد غم سے آپ کو رنجور کیا کریں

پوری ہو کس طرح دل مضطر کی آرزو

بدلا ہے حسن و عشق کا دستور کیا کریں

راحت کی بات کس طرح آئے زبان پر

بڑھنے لگے ہیں قلب کے ناسور کیا کریں

بار غم حیات اٹھا تو لیا مگر

قیصرؔ ہیں اپنے وقت سے مجبور کیا کریں

ham ko kya hai waqt ne majbur kya karen

is waste hain ap se ham dur kya karen

khud ko is anjuman mein wo mashhur kya karen

duniya hai kam nasibon ki be nur kya karen

khun-e-shuur-e-khun-e-wafa khun-e-arzu

jalne lage hain surat-e-nasur kya karen

daulat ka sikka chalta hai sare hi shahr mein

nadar kya karen yahan majbur kya karen

pahle hi be hijab nazar a rahe hain wo

un ko dil-o-nigah mein mastur kya karen

khamosh is khayal se baithe hain bazm mein

rudad-e-gham se ap ko ranjur kya karen

puri ho kis tarah dil-e-muztar ki arzu

badla hai husn-o-ishq ka dastur kya karen

rahat ki bat kis tarah ae zaban par

barhne lage hain qalb ke nasur kya karen

bar-e-gham-e-hayat utha to liya magar

qaisar hain apne waqt se majbur kya karen