Arooz is now on the App Store, for iPhone and iPad. Download →

All poetry

پہلے لگتا تھا بن تیرے مر جاؤں گا

Hadeed Fatema (b. 2001)

پہلے لگتا تھا بن تیرے مر جاؤں گا

تو نے چھوڑا تو پھر میں کدھر جاؤں گا

تو بھی لگتا ہے مجھ کو زمانے سا ہی

تیرے دل سے بھی اک دن اتر جاؤں گا

تیری عادت نے مجھ کو بگاڑا ہے پر

ایک دن دیکھنا میں سدھر جاؤں گا

پھر ترے پاس سے دیکھنا کیسے میں

تجھ کو دیکھے بنا ہی گزر جاؤں گا

آج باتوں میں ہوں تیری نظروں میں ہوں

جلد دل میں ترے ہو امر جاؤں گا

تیری نظر کرم کی ہی بس دیر ہے

یہ جو بگڑا ہوا ہوں سنور جاؤں گا

اس کی یادیں رہیں گی مرے ساتھ ساتھ

شہر یہ چھوڑ کر اب اگر جاؤں گا

ایک دن چھوڑ یہ غم زدوں کا جہاں

بن میں گزری پرانی خبر جاؤں گا

بن کے بادل ہواؤں کے سنگ اڑ کے میں

ڈھونڈنے تجھ کو ہر اک نگر جاؤں گا

کیا کہا تجھ کو مجھ پر بھروسہ نہیں

تجھ کو لگتا ہے کہ میں مکر جاوں گا

ہوں محبت محبت محبت ہوں میں

تیرا دل تو نہیں ہوں جو بھر جاؤں گا

آج خوشبو مری ہوگی کل چھاؤں بھی

پھول ہوں آج کل بن شجر جاؤں گا