پھر رہے ہیں یہاں وہاں تنہا

پھر رہے ہیں یہاں وہاں تنہا

آج لگتا ہے یہ جہاں تنہا

گھر میں بازار میں ہزاروں میں

قید ہیں ہم کہاں کہاں تنہا

ڈھل گئی رات بجھ گئیں شمعیں

رہ گئے ہم بھی نوحہ خواں تنہا

میری آہٹ کا میری سانسوں کا

منتظر ہے میرا مکاں تنہا

سونی سونی سی اجنبی راہیں

آرزوؤں کا کارواں تنہا

چاند تاروں کی بھیڑ میں مدہوشؔ

رو رہا ہے اک آسماں تنہا

phir rahe hain yahan wahan tanha

aj lagta hai ye jahan tanha

ghar mein bazar mein hazaron mein

qaid hain ham kahan kahan tanha

dhal gai rat bujh gain shamen

rah gae ham bhi nauha khwan tanha

meri ahat ka meri sanson ka

muntazir hai mera makan tanha

suni suni si ajnabi rahen

arzuon ka karwan tanha

chand taron ki bhir mein madhosh

ro raha hai ik asman tanha