اک نئی صبح کا پیغام لئے پھرتے ہیں

اک نئی صبح کا پیغام لئے پھرتے ہیں

ہم محبت سے بھرا جام لئے پھرتے ہیں

اپنے دکھ سکھ کو سمجھتے ہیں مقدر کا قصور

ہائے وہ لوگ جو اوہام لئے پھرتے ہیں

کل پہنچ جائیں گے پھر صبح کے دروازے تک

کیا ہوا آج اگر شام لئے پھرتے ہیں

کیسے انساں ہیں کہ انساں سے سروکار نہیں

چند ٹوٹے ہوئے اصنام لئے پھرتے ہیں

تھرتھراتے سے سمٹتے سے یہ مبہم سائے

ڈوبتی شام کا انجام لئے پھرتے ہیں

ik nai subh ka paigham liye phirte hain

ham mohabbat se bhara jam liye phirte hain

apne dukh sukh ko samajhte hain muqaddar ka qusur

hae wo log jo auham liye phirte hain

kal pahunch jaenge phir subh ke darwaze tak

kya hua aj agar sham liye phirte hain

kaise insan hain ke insan se sarokar nahin

chand tute hue asnam liye phirte hain

thartharate se simatte se ye mubham sae

dubti sham ka anjam liye phirte hain