ایسا تو یہاں کچھ بھی نہیں حد نظر تک

ایسا تو یہاں کچھ بھی نہیں حد نظر تک

ہم کو تو پہنچنا تھا کسی خواب نگر تک

اب پاؤں نہیں راہ میں دل تھکنے لگا ہے

لیکن ہمیں چلنا تو ہے انجام سفر تک

ہم شور بھی سنتے ہیں سماعت سے بہت کم

آواز بھی جاتی ہے تو بس حد نظر تک

ممکن ہے میں اب صبر کا یہ پیڑ گرا دوں

جب ہاتھ پہنچتا ہی نہیں شاخ ثمر تک

ہم اپنے ہی موسم سے پرکھتے ہیں جہاں کو

ماحول کا لیتے ہی نہیں کوئی اثر تک

میں اپنے ہی اندر کی طرف چیخ رہا ہوں

اب دیکھیے جاتی ہے یہ آواز کدھر تک

aisa to yahan kuchh bhi nahin had-e-nazar tak

ham ko to pahunchna tha kisi khwab nagar tak

ab paon nahin rah mein dil thakne laga hai

lekin hamen chalna to hai anjam safar tak

ham shor bhi sunte hain samaat se bahut kam

awaz bhi jati hai to bas had-e-nazar tak

mumkin hai main ab sabr ka ye per gira dun

jab hath pahunchta hi nahin shakh-e-samar tak

ham apne hi mausam se parakhte hain jahan ko

mahaul ka lete hi nahin koi asar tak

main apne hi andar ki taraf chikh raha hun

ab dekhiye jati hai ye awaz kidhar tak