کچھ دل نشیں یادیں بھی ہیں کچھ درد کا رشتہ بھی ہے

کچھ دل نشیں یادیں بھی ہیں کچھ درد کا رشتہ بھی ہے

میں کس طرح بھولوں اسے وہ عمر کا حصہ بھی ہے

غم میں خوشی کی لہر کیوں آسودگی میں زہر کیوں

اس سوچ میں دریا بھی ہے اس فکر میں صحرا بھی ہے

وہ وہم کی تحریر ہے وہ خواب کی تصویر ہے

میں نے اسے دیکھا نہیں میں نے اسے دیکھا بھی ہے

کب تک میں اپنے آپ سے لڑتا رہوں لڑتا رہوں

میں آخرش انسان ہوں انسان تو تھکتا بھی ہے

نفرت کسی کی یاد سے وحشت خود اپنے آپ سے

ویسے تو یوں ہوتا نہیں لیکن کبھی ہوتا بھی ہے

اب تو سمیرؔ اس دشت میں رہنا ہے مجھ کو عمر بھر

یہ آخری منزل نہیں یہ آخری رستہ بھی ہے

kuchh dil nashin yaden bhi hain kuchh dard ka rishta bhi hai

main kis tarah bhulun use wo umr ka hissa bhi hai

gham mein khushi ki lahr kyun asudgi mein zahr kyun

is soch mein dariya bhi hai is fikr mein sahra bhi hai

wo wahm ki tahrir hai wo khwab ki taswir hai

main ne use dekha nahin main ne use dekha bhi hai

kab tak main apne ap se larta rahun larta rahun

main akhirash insan hun insan to thakta bhi hai

nafrat kisi ki yad se wahshat khud apne ap se

waise to yun hota nahin lekin kabhi hota bhi hai

ab to samer is dasht mein rahna hai mujh ko umr bhar

ye akhiri manzil nahin ye akhiri rasta bhi hai