قصہ ان دنوں کا ہے جب ہمیں محبت تھی

قصہ ان دنوں کا ہے جب ہمیں محبت تھی

خواب اک معمہ تھا نیند اک اذیت تھی

کیا عجیب رشتہ تھا آگ اور پانی کا

میں برستا بادل تھا اور وہ قیامت تھی

ہم کہ ایک دوجے پر اس طرح سے لازم تھے

مجھ کو اس کا نشہ تھا اس کو میری عادت تھی

ہم بھٹکتے پھرتے تھے تشنگی کے صحرا میں

ان لبوں پہ امرت تھا اور مجھے اجازت تھی

رات میں مسافر تھا گل بدن کے رستوں کا

انگ انگ خوشبو تھی کیا حسیں مسافت تھی

ہم گناہگار شب روکنے سے رکتے کب

عمر کا تقاضا تھا وقت کی ضرورت تھی

ہم سمیرؔ کھو بیٹھے مصلحت کی راہوں میں

وہ جو اک تعلق تھا وہ جو ایک نسبت تھی

qissa in dinon ka hai jab hamen mohabbat thi

khwab ik muamma tha nind ik aziyyat thi

kya ajib rishta tha ag aur pani ka

main barasta badal tha aur wo qayamat thi

ham ke ek duje par is tarah se lazim the

mujh ko us ka nasha tha us ko meri adat thi

ham bhatakte phirte the tishnagi ke sahra mein

un labon pe amrit tha aur mujhe ijazat thi

rat mein musafir tha gul badan ke raston ka

ang ang khushbu thi kya hasin masafat thi

ham gunahgar shab rokne se rukte kab

umr ka taqaza tha waqt ki zarurat thi

ham samer kho baithe maslahat ki rahon mein

wo jo ik taalluq tha wo jo ek nisbat thi