تاویل عہد فن ہی تو وحشت کا حل نہیں

تاویل عہد فن ہی تو وحشت کا حل نہیں

پیش نظر جنون ہے یارو غزل نہیں

اب اس کے بعد عہد کی تاریک رات ہے

یہ اختتام شام ہے صبح ازل نہیں

اے دوست عشق منصب فہم و شعور ہے

یہ ارتقا ہے ذہن کا کوئی خلل نہیں

اک عمر رتجگوں کی اذیت میں کاٹ دی

اب میرے خواب نیند کا رد عمل نہیں

کیا کیا عطائے نعمت رب کریم ہے

لیکن سمیرؔ درد کا نعم البدل نہیں

tawil ahd-e-fan hi to wahshat ka hal nahin

pesh-e-nazar junun hai yaro ghazal nahin

ab is ke baad ahd ki tarik rat hai

ye ikhtitam-e-sham hai subh-e-azal nahin

ai dost ishq mansab-e-fahm-o-shuur hai

ye irtiqa hai zehn ka koi khalal nahin

ik umr ratjagon ki aziyyat mein kat di

ab mere khwab nind ka rad-e-amal nahin

kya kya ata-e-nemat-e-rab-e-karim hai

lekin samer dard ka naam albadal nahin