اور تیری تو کسی بات سے انکار نہیں

اور تیری تو کسی بات سے انکار نہیں

وہ جو ہر بار ہوا ہے وہی اس بار نہیں

ہم کو کس سمت میں جانا ہے یہ سمجھائے کون

اور ہم لوگ سمجھنے کو بھی تیار نہیں

بال و پر سے نہیں اڑتا ہوں جنوں سے اپنے

پاؤں زنجیر ہوئے ہیں مری رفتار نہیں

آنکھ پر خوف کا پردہ بھی تو ہو سکتا ہے

یہ جو دیوار نظر آتی ہے دیوار نہیں

جو تجھے دیکھنا ہوتا ہے وہی دیکھتا ہے

تیری آنکھوں میں ترے خواب ہیں آزار نہیں

رات ہوتے ہی گھروں کو جو پلٹتے ہیں سمیرؔ

یہ اجالوں کے طرف دار ہیں حق دار نہیں

aur teri to kisi bat se inkar nahin

wo jo har bar hua hai wahi is bar nahin

ham ko kis samt mein jana hai ye samjhae kaun

aur ham log samajhne ko bhi tayyar nahin

bal-o-par se nahin urta hun junun se apne

paon zanjir hue hain miri raftar nahin

ankh par khauf ka parda bhi to ho sakta hai

ye jo diwar nazar ati hai diwar nahin

jo tujhe dekhna hota hai wahi dekhta hai

teri ankhon mein tire khwab hain azar nahin

rat hote hi gharon ko jo palatte hain samer

ye ujalon ke taraf dar hain haq dar nahin