حسرتیں بیتاب دل ناشاد ہے

حسرتیں بیتاب دل ناشاد ہے

ہر تمنا مائل فریاد ہے

زندگی سر تا بہ پا برباد ہے

مختصر سی عشق کی روداد ہے

کوئے جاناں کی فضائیں کیا کہوں

ہر طرف خلد بریں آباد ہے

آپ کے ظلم و ستم کے ساتھ ساتھ

آپ کا حسن‌ کرم بھی یاد ہے

ہوشیار اے طائران گلستاں

باغباں کے بھیس میں صیاد ہے

ہم نشیں ہر کج سماعت کے لئے

زمزمہ بھی صورت فریاد ہے

میکدہ غمگینؔ جب تک ہے جواں

میرا دل ہر فکر سے آزاد ہے

hasraten betab dil nashad hai

har tamanna mail-e-fariyad hai

zindagi sar ta ba pa barbad hai

mukhtasar si ishq ki rudad hai

ku-e-janan ki fazaen kya kahun

har taraf khuld-e-barin abad hai

ap ke zulm-o-sitam ke sath sath

ap ka husn-e-karam bhi yad hai

hoshyar ai tairan-e-gulsitan

baghban ke bhes mein sayyad hai

ham nashin har kaj samaat ke liye

zamzama bhi surat-e-fariyad hai

maikada ghamgin jab tak hai jawan

mera dil har fikr se azad hai