خیال رکھنا مرا زخم بھر نہ جائے کہیں

خیال رکھنا مرا زخم بھر نہ جائے کہیں

حوادثات کا دریا اتر نہ جائے کہیں

اسی سے زندہ ہے احساس آشیانے کا

یہ راکھ تیز ہوا ہے بکھر نہ جائے کہیں

بھٹکتی پھرتی ہے آوارہ در بدر کب سے

شب فراق ہمارے ہی گھر نہ جائے کہیں

جو چل رہا ہے بگولوں کی رہنمائی میں

وہ کاروان محبت ٹھہر نہ جائے کہیں

وہ ظلم کیجے کہ حسرت نہ رہ سکے باقی

سحر سے پہلے ہی غمگینؔ مر نہ جائے کہیں

khayal rakhna mira zakhm bhar na jae kahin

hawadisat ka dariya utar na jae kahin

usi se zinda hai ehsas ashiyane ka

ye rakh tez hua hai bikhar na jae kahin

bhatakti phirti hai awara dar badar kab se

shab-e-firaq hamare hi ghar na jae kahin

jo chal raha hai bagulon ki rahnumai mein

wo karwan-e-mohabbat thahar na jae kahin

wo zulm kije ke hasrat na rah sake baqi

sahar se pahle hi ghamgin mar na jae kahin