مانند ہوا پل میں گزر جائے گا کوئی

مانند ہوا پل میں گزر جائے گا کوئی

آئے نہ اگر آپ تو مر جائے گا کوئی

یہ رات کا سناٹا اداسی کا یہ عالم

اس حال میں دیوانے سے ڈر جائے گا کوئی

ناکام تمنا کو یوں ہی جلنے دو ورنہ

چھیڑوگے جو تم راکھ بکھر جائے گا کوئی

پہلی ہی ملاقات بڑھا دے گی محبت

معلوم نہ تھا دل میں اتر جائے گا کوئی

زندہ ہوں اسی آس پہ غمگینؔ میں اب تک

اک روز مرے زخم کو بھر جائے گا کوئی

manind hua pal mein guzar jaega koi

ae na agar ap to mar jaega koi

ye rat ka sannata udasi ka ye alam

is hal mein diwane se dar jaega koi

nakam-e-tamanna ko yun hi jalne do warna

chheroge jo tum rakh bikhar jaega koi

pahli hi mulaqat barha degi mohabbat

maalum na tha dil mein utar jaega koi

zinda hun isi as pe ghamgin mein ab tak

ik roz mire zakhm ko bhar jaega koi