شب فراق سے مانوس غم کا مارا ہوں

شب فراق سے مانوس غم کا مارا ہوں

ابھرتا چاند نہیں ڈوبتا ستارا ہوں

زمانے والو اگر ہو سکے تو رحم کرو

مری ہنسی نہ اڑاؤ میں بے سہارا ہوں

نوازو دار و رسن سے کہ کھال کھنچواؤ

بس ایک بار یہ کہہ دو کہ میں تمہارا ہوں

ملے گا میرا تعارف کہاں کتابوں میں

میں اہل درد کے چہروں سے آشکارا ہوں

وہ جس سے پائی ہے تنویر چاند سورج نے

میں اس کے عشق میں غمگینؔ دل کو ہارا ہوں

shab-e-firaq se manus gham ka mara hun

ubharta chand nahin dubta sitara hun

zamane walo agar ho sake to rahm karo

miri hansi na urao mein be sahara hun

nawazo dar-o-rasan se ke khal khinchwao

bas ek bar ye kah do ke main tumhara hun

milega mera taaruf kahan kitabon mein

main ahl-e-dard ke chehron se ashkara hun

wo jis se pai hai tanwir chand suraj ne

main us ke ishq mein ghamgin dil ko hara hun