ڈھل گئی رات دن نکل آیا

ڈھل گئی رات دن نکل آیا

غم نیا پیرہن بدل آیا

اس سے پہلے کہ کچھ کہے ساقی

میکدے سے میں خود ہی ٹل آیا

وہ مسائل خدا پہ چھوڑ دئے

کچھ سمجھ میں نہ جن کا حل آیا

جس میں ہو میری آرزو تجھ کو

کب مری عمر میں وہ پل آیا

آج بھی کم نہ تھا مگر غمگینؔ

انگنت زخم لے کے کل آیا

dhal gai rat din nikal aya

gham naya pairahan badal aya

is se pahle ke kuchh kahe saqi

maikade se main khud hi tal aya

wo masail khuda pe chhor diye

kuchh samajh mein na jin ka hal aya

jis mein ho meri arzu tujh ko

kab miri umr mein wo pal aya

aj bhi kam na tha magar ghamgin

anginat zakhm le ke kal aya