کیا پوچھ رہے ہو دل بیمار کی باتیں

کیا پوچھ رہے ہو دل بیمار کی باتیں

کمبخت سمجھتا ہی نہیں پیار کی باتیں

صیاد نے سن لی تو بڑھا دے گا ستم اور

چھیڑو نہ قفس میں گل و گلزار کی باتیں

آنکھوں سے رواں ہو گیا اشکوں کا سمندر

یاد آئیں جو بچھڑے ہوئے غم خوار کی باتیں

ہر ڈوبنے والے کے بڑھاتے ہیں مراتب

طوفان کے قصے ہوں کہ منجدھار کی باتیں

غمگینؔ محبت کی حقیقت ہو وہاں کیا

عنوان ہوں جس بزم کے ہتھیار کی باتیں

kya puchh rahe ho dil-e-bimar ki baten

kambakht samajhta hi nahin pyar ki baten

sayyad ne sun li to barha dega sitam aur

chhero na qafas mein gul-o-gulzar ki baten

ankhon se rawan ho gaya ashkon ka samundar

yad aen jo bichhre hue gham khwar ki baten

har dubne wale ke barhate hain muratib

tufan ke qisse hun ke manjdhar ki baten

ghamgin mohabbat ki haqiqat ho wahan kya

unwan hun jis bazm ke hathiyar ki baten