تو جو مل جائے تو ٹھکرا دوں یہ دنیا کیا ہے

تو جو مل جائے تو ٹھکرا دوں یہ دنیا کیا ہے

ماسوا تیرے مرے دل کی تمنا کیا ہے

چند ٹوٹے ہوئے شیشوں کے سوا اے ساقی

اور مے خانۂ ہستی میں ہمارا کیا ہے

شوق سے جاؤ مگر وقت غنیمت سمجھو

پھر ملیں یا نہ ملیں دم کا بھروسا کیا ہے

دن نکل آیا تری یاد میں تھمتے ہی نہیں

آج اشکوں کا خدا جانے ارادہ کیا ہے

جب کہ آئین مشیت کا بدلتا ہی نہیں

پھر شکایات سے غمگینؔ نتیجہ کیا ہے

tu jo mil jae to thukra dun ye duniya kya hai

masiwa tere mire dil ki tamanna kya hai

chand tute hue shishon ke siwa ai saqi

aur mai khana-e-hasti mein hamara kya hai

shauq se jao magar waqt ghanimat samjho

phir milen ya na milen dam ka bharosa kya hai

din nikal aya tiri yad mein thamte hi nahin

aj ashkon ka khuda jane irada kya hai

jab ke ain-e-mashiyyat ka badalta hi nahin

phir shikayat se ghamgin natija kya hai