میں وہ نہیں کہ زمانے سے بے عمل جاؤں

میں وہ نہیں کہ زمانے سے بے عمل جاؤں

مزاج پوچھ کے دار و رسن کا ٹل جاؤں

وہ اور ہوں گے جو ہیں آج قید بے سمتی

وہی ہے سمت میں جس سمت کو نکل جاؤں

فریب کھا کے جنوں عقل کے کھلونوں سے

خدا وہ وقت نہ لائے کہ میں بہل جاؤں

مرا وجود ہے مومی کہیں نہ ہو ایسا

کسی کی یاد کی گرمی سے میں پگھل جاؤں

جو چاہتا ہے کہ پستی میں گرتے گرتے بچوں

نظر کا اپنی عصا دے کہ میں سنبھل جاؤں

main wo nahin ke zamane se be amal jaun

mizaj puchh ke dar-o-rasan ka tal jaun

wo aur honge jo hain aj qaid be samti

wahi hai samt mein jis samt ko nikal jaun

fareb kha ke junun aql ke khilaunon se

khuda wo waqt na lae ke main bahal jaun

mira wajud hai momi kahin na ho aisa

kisi ki yad ki garmi se main pighal jaun

jo chahta hai ke pasti mein girte girte bachchon

nazar ka apni asa de ke main sambhal jaun