دیر و حرم میں دشت و بیابان و باغ میں

دیر و حرم میں دشت و بیابان و باغ میں

ڈھونڈو نہ مجھ کو میں ہوں خود اپنے سراغ میں

ہاں اے اسیرو خیر سے ہو کس سراغ میں

کھلتے ہیں اب تو پھول ہوا بست باغ میں

اس برف زار میں بھی جلاتی ہی جاتی ہے

وہ اک شبیہ جو ہے نہاں دل کے داغ میں

رہتا ہے اب زمین پہ وہ آسماں پسند

ہاں وہ خجل تھا جس سے خدا بھی دماغ میں

ممکن نہیں کہ غار میں دل کے اتر سکے

مانگے کی روشنی ہے تمہارے چراغ میں

کیا قدر وہ کریں گے کسی خوش نوا کی ہوشؔ

تفریق کر سکیں جو نہ قمری و زاغ میں

dair-o-haram mein dasht-o-bayaban-o-bagh mein

dhundo na mujh ko main hun khud apne suragh mein

han ai asiro khair se ho kis suragh mein

khulte hain ab to phul hua bast-e-bagh mein

is barf zar mein bhi jalati hi jati hai

wo ik shabih jo hai nihan dil ke dagh mein

rahta hai ab zamin pe wo asman pasand

han wo khajil tha jis se khuda bhi dimagh mein

mumkin nahin ke ghar mein dil ke utar sake

mange ki raushni hai tumhare charagh mein

kya qadr wo karenge kisi khush nawa ki hosh

tafriq kar saken jo na qamari-o-zagh mein