یہ کون رکھ گیا ذہنی تھکن برائے فروخت

یہ کون رکھ گیا ذہنی تھکن برائے فروخت

کتابیں پھینک کے غربت نے اپنے ہاتھوں سے

یہ لکھ لیا ہے بدن پر بدن برائے فروخت

بندھے ہوئے ہیں کسی ربط غیب سے دونوں

بدن براۓ کفن ہے کفن برائے فروخت

اٹھا کے رکھ دئے بازار کی پناہوں میں

سخن فروش نے شعر و سخن برائے فروخت

ضرورتوں نے جواں لڑکیوں کے ماتھے پر

یہ گود رکھا ہے رخت بدن برائے فروخت

یہ کس نے رکھ دئے مجبوریوں کی منڈی میں

کہیں پہ جسم کہیں پیرہن برائے فروخت

ye kaun rakh gaya zehni thakan bara-e-farokht

kitaben phenk ke ghurbat ne apne hathon se

ye likh liya hai badan par badan bara-e-farokht

bandhe hue hain kisi rabt-e-ghaib se donon

badan bara-e-kafan hai kafan bara-e-farokht

utha ke rakh diye bazar ki panahon mein

sukhan farosh ne sher-o-sukhan bara-e-farokht

zaruraton ne jawan larkiyon ke mathe par

ye god rakha hai rakht badan bara-e-farokht

ye kis ne rakh diye majburiyon ki mandi mein

kahin pe jism kahin pairahan bara-e-farokht