Arooz is now on the App Store, for iPhone and iPad. Download →

All poetry

لفظوں میں آگ بھرنے کا فن لے لیا گیا

Lucky farooqi Hasrat (b. 1990)

لفظوں میں آگ بھرنے کا فن لے لیا گیا

ہم سے ہمارا طرز سخن لے لیا گیا

بچے ہوئے جوان تو ماں باپ چل بسے

یعنی بہار دے کے چمن لے لیا گیا

گاڑی کے نیچے آ گئی مفلس کی زندگی

فوری معاوضے میں کفن لے لیا گیا

پہلے تو ہم کو دی گئی مانگے بغیر روح

پھر کچھ کہے بغیر بدن لے لیا گیا

اک دستخط سے ہو گئیں تقسیم سرحدیں

اک دستخط سے عضو وطن لے لیا گیا