تلخ سازی نے ہمیں غم کے سوا کچھ نہ دیا

تلخ سازی نے ہمیں غم کے سوا کچھ نہ دیا

بے نیازی نے ہمیں غم کے سوا کچھ نہ دیا

ہم کوئی کرشن نہیں تھے کی تھرکتی رادھا

نے نوازی نے ہمیں غم کے سوا کچھ نہ دیا

یہ کٹے ہاتھ یہ ناسور بدن شاہد ہیں

تیغ بازی نے ہمیں غم کے سوا کچھ نہ دیا

اس کے ہونٹوں میں کئی رنگ تھے رسوائی کے

بوسہ بازی نے ہمیں غم کے سوا کچھ نہ دیا

ہر تبسم کے تعاقب میں کئی آنسو ہیں

دل نوازی نے ہمیں غم کے سوا کچھ نہ دیا

جسم پرہیز کی تشہیر بنا بیٹھا ہے

چارہ سازی نے ہمیں غم کے سوا کچھ نہ دیا

کوئی مہرہ نہ ظفر یاب ہوا چاہت کا

دل کی بازی نے ہمیں غم کے سوا کچھ نہ دیا

دل کی مسجد میں تری یاد ہے پابند صلوٰۃ

اس نمازی نے ہمیں غم کے سوا کچھ نہ دیا

talkh sazi ne hamen gham ke siwa kuchh na diya

be niyazi ne hamen gham ke siwa kuchh na diya

ham koi krishn nahin the ki thirakti radha

ne nawazi ne hamen gham ke siwa kuchh na diya

ye kate hath ye nasur badan shahid hain

tegh bazi ne hamen gham ke siwa kuchh na diya

us ke honton mein kai rang the ruswai ke

bosa bazi ne hamen gham ke siwa kuchh na diya

har tabassum ke taaqub mein kai ansu hain

dil nawazi ne hamen gham ke siwa kuchh na diya

jism parhez ki tashhir bana baitha hai

chara sazi ne hamen gham ke siwa kuchh na diya

koi mohra na zafar yab hua chahat ka

dil ki bazi ne hamen gham ke siwa kuchh na diya

dil ki masjid mein tiri yad hai paband-e-salwat

is namazi ne hamen gham ke siwa kuchh na diya