ہنر غیب کی تفسیر بنے بیٹھے ہیں

ہنر غیب کی تفسیر بنے بیٹھے ہیں

سب یہاں میرؔ تقی میرؔ بنے بیٹھے ہیں

میرے کمرے کی خموشی کا گلہ واجب ہے

آپ تصویر میں تصویر بنے بیٹھے ہیں

اپنے الجھے ہوئے بالوں کو سنوارو جاناں

یہ مرے پاؤں کی زنجیر بنے بیٹھے ہیں

اتنی اونچی ہے مرے سر پہ رکھی قیمت کہ

گل صفت لوگ بھی شمشیر بنے بیٹھے ہیں

دل کے گل مرگ میں گرتی ہے تری یاد کی برف

ہم ترے ہجر میں کشمیر بنے بیٹھے ہیں

hunar ghaib ki tafsir bane baithe hain

sab yahan mir taqi mir bane baithe hain

mere kamre ki khamoshi ka gila wajib hai

ap taswir mein taswir bane baithe hain

apne uljhe hue balon ko sanwaro janan

ye mire paon ki zanjir bane baithe hain

itni unchi hai mire sar pe rakhi qimat ke

gul sifat log bhi shamshir bane baithe hain

dil ke gul marg mein girti hai tiri yad ki barf

ham tire hijr mein kashmir bane baithe hain