یہ سفید صفحوں کے ہنس ہیں انہیں روشنائی پہ چھوڑ لوں

یہ سفید صفحوں کے ہنس ہیں انہیں روشنائی پہ چھوڑ لوں

میں خیال و فکر کی جھیل سے کوئی ربط باہمی جوڑ لوں

ہو سیاہ شب ترا اذن گر تو نشیلے ہونٹوں کی نوک سے

میں گلابی چاند کی مرمریں سے پہاڑیوں کو جھنجھوڑ لوں

یہ عنایتوں کے ببول کا ہرا کانٹا میری طلب نہیں

مرے آبلے بڑے نرم ہیں انہیں سوکھی گھاس پہ پھوڑ لوں

مری تشنگی کو نصیب ہو تری قربتوں کی شراب گر

میں بدن کے خالی گلاس میں ترا رنگ روپ نچوڑ لوں

ذرا باغباں کی نظر ہٹے تو میں انگلیوں سے وصال کی

ترے تن کی سانولی بیل سے کئی پھول بوسے کے توڑ لوں

ye safed safhon ke hans hain unhen raushnai pe chhor lun

main khayal-o-fikr ki jhil se koi rabt-e-bahami jor lun

ho siyah shab tira izn gar to nashile honton ki nok se

main gulabi chand ki marmarin se pahariyon ko jhinjhor lun

ye inayaton ke babul ka hara kanta meri talab nahin

mire able bare narm hain unhen sukhi ghas pe phor lun

miri tishnagi ko nasib ho tiri qurbaton ki sharab gar

main badan ke khali gilas mein tira rang rup nichor lun

zara baghban ki nazar hate to main ungliyon se wisal ki

tire tan ki sanwli bel se kai phul bose ke tor lun