سوچوں کی پالکی میں بٹھا کر سطور کو

سوچوں کی پالکی میں بٹھا کر سطور کو

کاغذ پہ کھینچ لایا ہوں جنت کی حور کو

سر پر چڑھا کے رکھتا ہوں مستی کے جام سے

اک سانولے بدن کے گلابی سرور کو

اک چیخ ماجرے کی حقیقت بتا گئی

غوطہ لگا کے آنا تھا کیچڑ میں نور کو

ملتی ہیں صبح و شام تشدد کی روٹیاں

غربت کی تنگ جیل میں بھوکے غرور کو

ایسے غزل کے چہرے پہ رونق نہ آئے گی

لفظوں کے ریگ مال سے گھسیے شعور کو

sochon ki palki mein bitha kar sator ko

kaghaz pe khinch laya hun jannat ki hur ko

sar par charha ke rakhta hun masti ke jam se

ik sanwale badan ke gulabi surur ko

ik chikh majre ki haqiqat bata gai

ghauta laga ke ana tha kichar mein nur ko

milti hain subh-o-sham tashaddud ki rotiyan

ghurbat ki tang jel mein bhuke ghurur ko

aise ghazal ke chehre pe raunaq na aegi

lafzon ke reg mal se ghisiye shuur ko