مرکز نور پہ کاجل کا اندھیرا کر لے

مرکز نور پہ کاجل کا اندھیرا کر لے

اپنی پلکوں کو ذرا اور گھنیرا کر لے

یہ زمیں چاند کی رعنائی سے ناواقف ہے

دل کے آنگن میں کبھی پاؤں کا پھیرا کر لے

ہم الگ طرح کی رکھتے ہیں توقع تجھ سے

اپنی زلفوں کو بکھیر اور سویرا کر لے

میں تری باہیں جھٹک کر نہ چلا جاؤں کہیں

اور مضبوط اس آغوش کا گھیرا کر لے

میرے سینے میں کوئی شمع ہوس روشن ہے

اس اجالے کے توسل سے اندھیرا کر لے

موم کی ان چھوئی چڑیا کو یہی خوف ہے بس

برف کے پیڑ پہ سورج نہ بسیرا کر لے

markaz-e-nur pe kajal ka andhera kar le

apni palkon ko zara aur ghanira kar le

ye zamin chand ki raanai se nawaqif hai

dil ke angan mein kabhi paon ka phera kar le

ham alag tarah ki rakhte hain tawaqqo tujh se

apni zulfon ko bikher aur sawera kar le

main tiri bahen jhatak kar na chala jaun kahin

aur mazbut is aghosh ka ghera kar le

mere sine mein koi shama hawas raushan hai

is ujale ke tosil se andhera kar le

mom ki un chhui chiriya ko yahi khauf hai bas

barf ke per pe suraj na basera kar le