راہ دنیا کے لئے باد بہاری لے جا

راہ دنیا کے لئے باد بہاری لے جا

پاؤں تھک جائیں گے پھولوں کی سواری لے جا

مجھ پہ چلتا نہیں اب تیری نگاہوں کا فسوں

میرے آگے سے یہ جادو کی پٹاری لے جا

مفلسی کھا چکی اشکوں میں بھگو کر فاقے

تخت امید سے وعدوں کی تغاری لے جا

راہ میں برف کے پیڑوں کی فراوانی ہے

گرم کپڑوں کے عوض دھوپ کی آری لے جا

تجھ کو سینا ہے مرے خواب کی دلہن کا لباس

چاند کا گوٹا ستاروں کی کناری لے جا

rah duniya ke liye bad-e-bahari le ja

paon thak jaenge phulon ki sawari le ja

mujh pe chalta nahin ab teri nigahon ka fusun

mere age se ye jadu ki pitari le ja

muflisi kha chuki ashkon mein bhigo kar faqe

takht-e-ummid se waadon ki taghari le ja

rah mein barf ke peron ki farawani hai

garm kapron ke ewaz dhup ki ari le ja

tujh ko sina hai mire khwab ki dulhan ka libas

chand ka gota sitaron ki kinari le ja