دعا کی نرم پناہوں میں جا کے لیٹ گیا

دعا کی نرم پناہوں میں جا کے لیٹ گیا

میں بھیک مانگتے شاہوں میں جا کے لیٹ گیا

گزشتہ رات زمانے کی آنکھ لگتے ہی

میں ایک چاند کی باہوں میں جا کے لیٹ گیا

ہر اک زبان پہ غیبت کے پھنسی پھوڑے تھے

سو کار خیر گناہوں میں جا کے لیٹ گیا

کسی بھی زخم نے بیعت نہ کی شہادت سے

مرا جہاد کراہوں میں جا کے لیٹ گیا

کچھ ایسے جھوٹ کو پہنایا اس نے سچ کا لباس

یقین وہم کی باہوں میں جا کے لیٹ گیا

dua ki narm panahon mein ja ke let gaya

main bhik mangte shahon mein ja ke let gaya

guzishta rat zamane ki ankh lagte hi

main ek chand ki bahon mein ja ke let gaya

har ik zaban pe ghibat ke phansi phore the

so kar khair gunahon mein ja ke let gaya

kisi bhi zakhm ne baiat na ki shahadat se

mira jihad karahon mein ja ke let gaya

kuchh aise jhut ko pahnaya us ne sach ka libas

yaqin wahm ki bahon mein ja ke let gaya