تاثیر مختلف کی روانی سے جل گئے

تاثیر مختلف کی روانی سے جل گئے

سورج کے ہونٹھ برف کے پانی سے جل گئے

لفظوں کی سیڑھیوں سے اترتے ہوئے خیال

کاغذ پہ آ کے سوز معانی سے جل گئے

اب صبح شام کیجیے پانی کی پٹیاں

صحرا ہماری تشنہ دہانی سے جل گئے

اس شعر کے تھا مصرع اول میں ذکر آب

نقاد جس کے مصرع ثانی سے جل گئے

کچھ لوگ خاک ہو گئے ہجرت کی آگ سے

کچھ لوگ شوق نقل مکانی سے جل گئے

آواز کے درخت کا معیار کیا گرا

ہونٹوں کے پھول تلخ بیانی سے جل گئے

tasir mukhtalif ki rawani se jal gae

suraj ke honth barf ke pani se jal gae

lafzon ki sirhiyon se utarte hue khayal

kaghaz pe a ke soz-e-maani se jal gae

ab subh-e-sham kijiye pani ki pattiyan

sahra hamari tishna dahani se jal gae

is sher ke tha misra-e-awwal mein zikr-e-ab

naqqad jis ke misra-e-sani se jal gae

kuchh log khak ho gae hijrat ki ag se

kuchh log shauq naql-e-makani se jal gae

awaz ke darakht ka meyar kya gira

honton ke phul talkh bayani se jal gae