حیوانیت کا زہر دلوں میں اتر گیا

حیوانیت کا زہر دلوں میں اتر گیا

بستی سے اپنی کون سا موسم گزر گیا

اونچے مکان والے جو تھے صاف بچ گئے

الزام قتل سارا غریبوں کے سر گیا

دیدار ہو رہا تھا مجھے ان کا خواب میں

آنکھیں کھلیں تو خوش نما منظر بکھر گیا

حیرت زدہ ہیں لوگ مرا عزم دیکھ کر

میں پیچ و خم کی راہ پہ چل کر سنور گیا

ذاتیں تمام فرقہ پرستی میں بٹ گئیں

واقفؔ تلاش کرتا ہے انساں کدھر گیا

haiwaniyyat ka zahr dilon mein utar gaya

basti se apni kaun sa mausam guzar gaya

unche makan wale jo the saf bach gae

ilzam qatl sara gharibon ke sar gaya

didar ho raha tha mujhe un ka khwab mein

ankhen khulen to khush numa manzar bikhar gaya

hairat zada hain log mira azm dekh kar

main pech-o-kham ki rah pe chal kar sanwar gaya

zaten tamam firqa parasti mein bat gain

waqif talash karta hai insan kidhar gaya