نہ لازم توقع ہے اہل محل سے

نہ لازم توقع ہے اہل محل سے

کرو زیست شاداب علم و عمل سے

حجاب و حیا سوچتے رہ گئے ہیں

ملی عشق میں کامیابی پہل سے

یوں ناکامیاں ہم سفر ہیں مسلسل

کہ لے دے کے امید ہے اب اجل سے

حیات و فنا کا یہ کیا سلسلہ ہے

نہیں راز افشاں ہوا یہ ازل سے

یتیمی و لا وارثی بیوگی کے

بجز کچھ نہ حاصل ہے جنگ و جدل سے

na lazim tawaqqo hai ahl-e-mahal se

karo zist shadab ilm-o-amal se

hijab-o-haya sochte rah gae hain

mili ishq mein kamyabi pahal se

yun nakamiyan ham safar hain musalsal

ke le de ke ummid hai ab ajal se

hayat-o-fana ka ye kya silsila hai

nahin raz afshan hua ye azal se

yatimi-o-la warisi biyogi ke

bajuz kuchh na hasil hai jang-o-jadal se