تو کیا رابطہ پھر خدا کا بشر سے

تو کیا رابطہ پھر خدا کا بشر سے

تعلق نہیں جب دعا کا اثر سے

جو پوچھا ہوا سے کیوں مہکی ہوئی ہو

کہا اس نے آئی ہوں ہو کر ادھر سے

رہ عشق دشوار ہے کس قدر یہ

کبھی پوچھ دیکھو تو مجھ در بدر سے

یوں محو سفر ہوں تری جستجو میں

نظر میری آگے ہے شمس و قمر سے

رہا بے خبر اہل‌ غربت کے غم سے

سو خود گر رہا ہوں میں اپنی نظر سے

کہ ماں خواب میں ماتھا سہلا رہی تھی

ڈروں کیا میں اب بد دعا بد نظر سے

to kya rabta phir khuda ka bashar se

taalluq nahin jab dua ka asar se

jo puchha hawa se kyun mahki hui ho

kaha us ne ai hun ho kar idhar se

rah-e-ishq dushwar hai kis qadar ye

kabhi puchh dekho to mujh dar badar se

yun mahw-e-safar hun tiri justuju mein

nazar meri age hai shams-o-qamar se

raha be khabar ahl-e-ghurbat ke gham se

so khud gir raha hun main apni nazar se

ke man khwab mein matha sehla rahi thi

darun kya main ab bad dua bad nazar se