خواب ہی خواب کب تلک دیکھوں

خواب ہی خواب کب تلک دیکھوں

کاش تجھ کو بھی اک جھلک دیکھوں

چاندنی کا سماں تھا اور ہم تم

اب ستارے پلک پلک دیکھوں

جانے تو کس کا ہم سفر ہوگا

میں تجھے اپنی جاں تلک دیکھوں

بند کیوں ذات میں رہوں اپنی

موج بن جاؤں اور چھلک دیکھوں

صبح میں دیر ہے تو پھر اک بار

شب کے رخسار سے ڈھلک دیکھوں

ان کے قدموں تلے فلک اور میں

صرف پہنائی فلک دیکھوں

khwab hi khwab kab talak dekhun

kash tujh ko bhi ik jhalak dekhun

chandni ka saman tha aur ham tum

ab sitare palak palak dekhun

jane to kis ka ham safar hoga

main tujhe apni jan talak dekhun

band kyun zat mein rahun apni

mauj ban jaun aur chhalak dekhun

subh mein der hai to phir ik bar

shab ke rukhsar se dhalak dekhun

un ke qadmon tale falak aur main

sirf pahnai-e-falak dekhun