اب تو فراق صبح میں بجھنے لگی حیات

اب تو فراق صبح میں بجھنے لگی حیات

بار الٰہ کتنے پہر رہ گئی ہے رات

ہر تیرگی میں تو نے اتاری ہے روشنی

اب خود اتر کے آ کہ سیہ تر ہے کائنات

کچھ آئینے سے رکھے ہوئے ہیں سر وجود

اور ان میں اپنا جشن مناتی ہے میری ذات

بولے نہیں وہ حرف جو ایمان میں نہ تھے

لکھی نہیں وہ بات جو اپنی نہیں تھی بات

ab to firaq subh mein bujhne lagi hayat

bar ala kitne pahar rah gai hai rat

har tirgi mein tu ne utari hai raushni

ab khud utar ke a ke siyah tar hai kainat

kuchh aine se rakhe hue hain sar wajud

aur un mein apna jashn manati hai meri zat

bole nahin wo harf jo iman mein na the

likhi nahin wo bat jo apni nahin thi bat