ہم نے کھلنے نہ دیا بے سر و سامانی کو

ہم نے کھلنے نہ دیا بے سر و سامانی کو

کہاں لے جائیں مگر شہر کی ویرانی کو

صرف گفتار سے زخموں کا رفو چاہتے ہیں

یہ سیاست ہے تو پھر کیا کہیں نادانی کو

کوئی تقسیم نئی کر کے چلا جاتا ہے

جو بھی آتا ہے مرے گھر کی نگہبانی کو

اب کہاں جاؤں کہ گھر میں بھی ہوں دشمن اپنا

اور باہر مرا دشمن ہے نگہبانی کو

بے حسی وہ ہے کہ کرتا نہیں انساں محسوس

اپنی ہی روح میں آئی ہوئی طغیانی کو

آج بھی اس کو فراز آج بھی عالی ہے وہی

وہی سجدہ جو کرے وقت کی سلطانی کو

آج یوسف پہ اگر وقت یہ لائے ہو تو کیا

کل تمہیں تخت بھی دو گے اسی زندانی کو

صبح کھلنے کی ہو یا شام بکھر جانے کی

ہم نے خوشبو ہی کیا اپنی پریشانی کو

وہ بھی ہر آن نیا میری محبت بھی نئی

جلوۂ حسن کشش ہے مری حیرانی کو

کوزۂ حرف میں لایا ہوں تمہاری خاطر

روح پر اترے ہوئے ایک عجب پانی کو

ham ne khulne na diya be sar-o-samani ko

kahan le jaen magar shahr ki wirani ko

sirf-e-guftar se zakhmon ka rafu chahte hain

ye siyasat hai to phir kya kahen nadani ko

koi taqsim nai kar ke chala jata hai

jo bhi ata hai mire ghar ki nigahbani ko

ab kahan jaun ke ghar mein bhi hun dushman apna

aur bahar mira dushman hai nigahbani ko

be hissi wo hai ke karta nahin insan mahsus

apni hi ruh mein ai hui tughyani ko

aj bhi us ko faraz aj bhi ali hai wahi

wahi sajda jo kare waqt ki sultani ko

aj yusuf pe agar waqt ye lae ho to kya

kal tumhen takht bhi doge isi zindani ko

subh khulne ki ho ya sham bikhar jane ki

ham ne khushbu hi kiya apni pareshani ko

wo bhi har an naya meri mohabbat bhi nai

jalwa-e-husn kashish hai miri hairani ko

kuza-e-harf mein laya hun tumhari khatir

ruh par utre hue ek ajab pani ko