ہے دل عشاق تیرے جام و مینا بن خراب

ہے دل عشاق تیرے جام و مینا بن خراب

رحم کر اس وقت پر ساقی پیالہ دے شتاب

کیا ہی نا خوش ہو رہا دل کچھ کہا جاتا نہیں

ابر آوے جھوم ایسا نا ملے قطرہ شراب

واعظا مستوں کا دل ہے گا خدا کا گھر صریح

توڑ مت اس کے تئیں سنگ ستم سے کر عذاب

ہیں جہاں تک شجر دنیا سب ہو جاویں تاک کے

یا الٰہی ہے دعا گر عاشقوں کی مستجاب

منتظر ہو کر کھڑا ہے امتیازؔ آ زیر قصر

اک نگاہ لطف فرما اے شۂ والا جناب

hai dil-e-ushshaq tere jam-o-mina ban kharab

rahm kar is waqt par saqi pyala de shitab

kya hi na khush ho raha dil kuchh kaha jata nahin

abr awe jhum aisa na mile qatra sharab

waza maston ka dil hai ga khuda ka ghar sarih

tor mat us ke tain sang-e-sitam se kar azab

hain jahan tak shajar duniya sab ho jawen tak ke

ya ilahi hai dua gar ashiqon ki mustajab

muntazir ho kar khara hai imtiyaz a zer-e-qasr

ik nigah-e-lutf farma ai shah-e-wala janab