گزرو نہ اس طرح کہ تماشا نہیں ہوں میں

گزرو نہ اس طرح کہ تماشا نہیں ہوں میں

سمجھو کہ اب ہوں اور دوبارہ نہیں ہوں میں

اک طبع رنگ رنگ تھی سو نذر گل ہوئی

اب یہ کہ اپنے ساتھ بھی رہتا نہیں ہوں میں

تم نے بھی میرے ساتھ اٹھائے ہیں دکھ بہت

خوش ہوں کہ راہ شوق میں تنہا نہیں ہوں میں

پیچھے نہ بھاگ وقت کی اے نا شناس دھوپ

سایوں کے درمیان ہوں سایا نہیں ہوں میں

جو کچھ بھی ہوں میں اپنی ہی صورت میں ہوں علیمؔ

غالبؔ نہیں ہوں میرؔ و یگانہؔ نہیں ہوں میں

guzro na is tarah ke tamasha nahin hun main

samjho ke ab hun aur dobara nahin hun main

ik taba rang rang thi so nazr-e-gul hui

ab ye ke apne sath bhi rahta nahin hun main

tum ne bhi mere sath uthae hain dukh bahut

khush hun ke rah-e-shauq mein tanha nahin hun main

pichhe na bhag waqt ki ai na shanas dhup

sayon ke darmiyan hun saya nahin hun main

jo kuchh bhi hun main apni hi surat mein hun alim

ghalib nahin hun mir-o-yagana nahin hun main