دل ہی تھے ہم دکھے ہوئے تم نے دکھا لیا تو کیا

دل ہی تھے ہم دکھے ہوئے تم نے دکھا لیا تو کیا

تم بھی تو بے اماں ہوئے ہم کو ستا لیا تو کیا

آپ کے گھر میں ہر طرف منظر ماہ و آفتاب

ایک چراغ شام اگر میں نے جلا لیا تو کیا

باغ کا باغ آپ کی دسترس ہوس میں ہے

ایک غریب نے اگر پھول اٹھا لیا تو کیا

لطف یہ ہے کہ آدمی عام کرے بہار کو

موج ہوائے رنگ میں آپ نہا لیا تو کیا

اب کہیں بولتا نہیں غیب جو کھولتا نہیں

ایسا اگر کوئی خدا تم نے بنا لیا تو کیا

جو ہے خدا کا آدمی اس کی ہے سلطنت الگ

ظلم نے ظلم سے اگر ہاتھ ملا لیا تو کیا

آج کی ہے جو کربلا کل پہ ہے اس کا فیصلہ

آج ہی آپ نے اگر جشن منا لیا تو کیا

لوگ دکھے ہوئے تمام رنگ بجھے ہوئے تمام

ایسے میں اہل شام نے شہر سجا لیا تو کیا

پڑھتا نہیں ہے اب کوئی سنتا نہیں ہے اب کوئی

حرف جگا لیا تو کیا شعر سنا لیا تو کیا

dil hi the ham dikhe hue tum ne dikha liya to kya

tum bhi to be aman hue ham ko sata liya to kya

ap ke ghar mein har taraf manzar-e-mah-o-aftab

ek charagh-e-sham agar main ne jala liya to kya

bagh ka bagh ap ki dastaras-e-hawas mein hai

ek gharib ne agar phul utha liya to kya

lutf ye hai ke admi am kare bahar ko

mauj hawa-e-rang mein ap naha liya to kya

ab kahin bolta nahin ghaib jo kholta nahin

aisa agar koi khuda tum ne bana liya to kya

jo hai khuda ka admi us ki hai saltanat alag

zulm ne zulm se agar hath mila liya to kya

aj ki hai jo karbala kal pe hai us ka faisla

aj hi ap ne agar jashn-e-mana liya to kya

log dikhe hue tamam rang bujhe hue tamam

aise mein ahl-e-sham ne shahr saja liya to kya

parhta nahin hai ab koi sunta nahin hai ab koi

harf jaga liya to kya sher suna liya to kya