عہد رفتہ کی لکیروں پہ نہ چلتے رہئے

عہد رفتہ کی لکیروں پہ نہ چلتے رہئے

وقت کے ساتھ خیالات بدلتے رہئے

ٹھوکریں کھا کے بہر گام سنبھلتے رہئے

منزل شوق بھی مل جائے گی چلتے رہئے

غنچہ و گل کو بصد شوق مسلتے رہئے

احتیاطاً کبھی کانٹوں پہ بھی چلتے رہئے

دوست بن بن کے یوں ہی زہر اگلتے رہئے

آستینوں میں مری شوق سے پلتے رہئے

قہقہے بن کے مرے لب پہ نہ ٹھہرے نہ سہی

اشک بن کر مری پلکوں پہ مچلتے رہئے

شبنم و برف کی ٹھنڈک ہے نہ پھولوں کی مہک

عشق اک آگ ہے اس آگ میں جلتے رہئے

آپ یوں ہی نکہت و نور کے چشمے بن کر

غم کی تاریک چٹانوں سے ابلتے رہئے

میرے گیتوں کا مدھر ساز نہ بنئے لیکن

سوز بن کر مرے نغمات میں ڈھلتے رہئے

احتشامؔ آپ کو جینے کی تمنا ہے اگر

زندگی کے نئے عنوان بدلتے رہئے

ahd-e-rafta ki lakiron pe na chalte rahiye

waqt ke sath khayalat badalte rahiye

thokaren kha ke bahar gam sambhalte rahiye

manzil-e-shauq bhi mil jaegi chalte rahiye

ghuncha-o-gul ko basad shauq masalte rahiye

ehtiyatan kabhi kanton pe bhi chalte rahiye

dost ban ban ke yun hi zahr ugalte rahiye

astinon mein miri shauq se palte rahiye

qahqahe ban ke mire lab pe na thahre na sahi

ashk ban kar miri palkon pe machalte rahiye

shabnam-o-barf ki thandak hai na phulon ki mahak

ishq ik ag hai is ag mein jalte rahiye

ap yun hi nikhat-o-nur ke chashme ban kar

gham ki tarik chatanon se ubalte rahiye

mere giton ka madhur saz na baniye lekin

soz ban kar mire naghmat mein dhalte rahiye

ehtisham ap ko jine ki tamanna hai agar

zindagi ke nae unwan badalte rahiye