نگاہ یوں ہی نہ بس رہ گزر سے واپس آ

نگاہ یوں ہی نہ بس رہ گزر سے واپس آ

مرصع ہو کے حدوں کی خبر سے واپس آ

تو مجھ سے ہٹ کے کہیں اور کیوں رہے آخر

نکل کے منظر دیوار و در سے واپس آ

اگر ہیں دیکھنا اپنی تجلیاں مجھ میں

اتر کے نور کا دریا قمر سے واپس آ

فلک پہ بیٹھا ہوا جانے کون ہے مجھ سے

یہ کہہ رہا ہے کہ تو بحر و بر سے واپس آ

سکون و امن کا ساحل ہے منتظر تیرا

مری حیات کی کشتی بھنور سے واپس آ

تو اس کو بھیڑ میں ہر چند پا نہیں سکتا

خدا ملے گا خداؤں کے گھر سے واپس آ

وفا کتاب میں پڑھ لے وفا کے خواب نہ دیکھ

تو احتشامؔ خیالی سفر سے واپس آ

nigah yun hi na bas rah guzar se wapas a

murassaa ho ke hadon ki khabar se wapas a

tu mujh se hat ke kahin aur kyun rahe akhir

nikal ke manzar diwar-o-dar se wapas a

agar hain dekhna apni tajalliyan mujh mein

utar ke nur ka dariya qamar se wapas a

falak pe baitha hua jane kaun hai mujh se

ye kah raha hai ke tu bahr-o-bar se wapas a

sukun-o-amn ka sahil hai muntazir tera

miri hayat ki kashti bhanwar se wapas a

to us ko bhir mein har chand pa nahin sakta

khuda milega khudaon ke ghar se wapas a

wafa kitab mein parh le wafa ke khwab na dekh

tu ehtisham khayali safar se wapas a