ہر گام حادثے ہیں مقدر بنے ہوئے

ہر گام حادثے ہیں مقدر بنے ہوئے

رہزن دکھائی دیتے ہیں رہبر بنے ہوئے

وہ دور خوش گوار خدا جانے کیا ہوا

مندر تھے مسجدوں کے برابر بنے ہوئے

کیا آشیاں کہاں کا چمن کیسے رنگ و بو

مدت ہوئی قفس کو مرا گھر بنے ہوئے

ہم وہ نہیں جو راز غم دل عیاں کریں

زنداں ہیں ہم سے لوگ سمندر بنے ہوئے

اے مفلسی بتا تو سہی وہ کدھر گئے

کچھ لوگ تھے خلوص کے پیکر بنے ہوئے

بھیجا ہے اس نے خط بھی تو الفاظ کی جگہ

کاغذ پہ تیر ہیں کہیں نشتر بنے ہوئے

شاید نہیں ہیں اب کہیں گوہر شناس لوگ

ہیرے پڑے ہیں راہ میں پتھر بنے ہوئے

قائم ہے بعد مرگ بھی بادہ کشی مری

رکھے ہیں میری خاک کے ساغر بنے ہوئے

یاروں کو احتشامؔ بنا کر حسیں کتاب

بیٹھے ہیں آپ درد کا دفتر بنے ہوئے

har gam hadse hain muqaddar bane hue

rahzan dikhai dete hain rahbar bane hue

wo dur khush gawar-e-khuda jane kya hua

mandir the masjidon ke barabar bane hue

kya ashiyan kahan ka chaman kaise rang-o-bu

muddat hui qafas ko mira ghar bane hue

ham wo nahin jo raz-e-gham-e-dil ayan karen

zindan hain ham se log samundar bane hue

ai muflisi bata to sahi wo kidhar gae

kuchh log the khulus ke paikar bane hue

bheja hai us ne khat bhi to alfaz ki jagah

kaghaz pe tir hain kahin nashtar bane hue

shayad nahin hain ab kahin gauhar shanas log

hire pare hain rah mein patthar bane hue

qaim hai baad-e-marg bhi bada kashi miri

rakhe hain meri khak ke saghar bane hue

yaron ko ehtisham bana kar hasin kitab

baithe hain ap dard ka daftar bane hue