حرم کی راہ میں ساقی کا گھر بھی آتا ہے

حرم کی راہ میں ساقی کا گھر بھی آتا ہے

سفر میں لمحۂ تر کہ سفر بھی آتا ہے

تجھے کہ پردہ نشیں یہ ہنر بھی آتا ہے

نظر بھی آتا نہیں اور نظر بھی آتا ہے

دبی دبی سی زباں میں یہ پوچھنا قاصد

کبھی خیال میں آشفتہ سر بھی آتا ہے

تمہاری بات ہے کچھ اور یوں تو آنے کو

غریب خانے پہ اکثر قمر بھی آتا ہے

غموں کی شام ہے بے شک مگر اداس نہ ہو

بشکل شام پیام سحر بھی آتا ہے

مری تباہی کا باعث مرا نصیب سہی

مگر یہ حرف تری ذات پر بھی آتا ہے

جواب خط کی تو امید احتشامؔ کجا

یہ دیکھ لوٹ کے پیغامبر بھی آتا ہے

haram ki rah mein saqi ka ghar bhi ata hai

safar mein lamha-e-tar ke safar bhi ata hai

tujhe ke parda nashin ye hunar bhi ata hai

nazar bhi ata nahin aur nazar bhi ata hai

dabi dabi si zaban mein ye puchhna qasid

kabhi khayal mein ashufta sar bhi ata hai

tumhari bat hai kuchh aur yun to ane ko

gharib khane pe aksar qamar bhi ata hai

ghamon ki sham hai be shak magar udas na ho

bashkal sham payam-e-sahar bhi ata hai

miri tabahi ka bais mira nasib sahi

magar ye harf tiri zat par bhi ata hai

jawab-e-khat ki to ummid ehtisham kuja

ye dekh laut ke paighambar bhi ata hai