گلہ کیوں ہو ملی ہم کو وفا کم

گلہ کیوں ہو ملی ہم کو وفا کم

زمانے سے ہمیں تھے آشنا کم

خوشامد کم طلب کم التجا کم

وراثت میں ہمیں یہ سب ملا کم

بیاں کرتا پھروں حال غم دل

میری عادت میں یہ شامل رہا کم

بتوں والے بتوں سے ڈر رہے ہیں

خدا والوں کو ہے خوف خدا کم

مرے دامن پہ ہیں جن کی نگاہیں

وہ شاید دیکھتے ہیں آئنہ کم

کبھی میں پاؤں پھیلا کر نہ سویا

مرے قد سے رہی میری ردا کم

زباں پر احتشامؔ آیا تو ان کی

ہوا تو کچھ دلوں میں فاصلہ کم

gila kyun ho mili ham ko wafa kam

zamane se hamen the ashna kam

khushamad kam talab kam iltija kam

wirasat mein hamen ye sab mila kam

bayan karta phirun hal-e-gham-e-dil

meri adat mein ye shamil raha kam

buton wale buton se dar rahe hain

khuda walon ko hai khauf-e-khuda kam

mire daman pe hain jin ki nigahen

wo shayad dekhte hain aina kam

kabhi main paon phaila kar na soya

mire qad se rahi meri rida kam

zaban par ehtisham aya to un ki

hawa to kuchh dilon mein fasla kam