ایک ہوں نالاں قفس میں ہائے اے بلبل خموش

ایک ہوں نالاں قفس میں ہائے اے بلبل خموش

سن ترا آواز اور صحرا ہوا ہے سبز پوش

دے پیالہ اب تو ساقی کچھ نہیں دھڑکا رہا

واعظا کہہ محتسب سے ہم ہوئے ہیں جام نوش

ہے یہی دہشت مبادا یہ جو بھاوے خلق کوں

بے طرح دریائے دل کو اب مرے آیا ہے جوش

اے خمار آلودہ دل جاناں کے سنمکھ سمہیلو

حسن کے بازار میں رکھتا وہ آنکھیں مے فروش

ہر گھڑی ہر آن دل میں امتیازؔ اب یاد کر

واقعہ کو کربلا کے لا نظر میں کر خروش

ek hun nalan qafas mein hae ai bulbul khamosh

sun tira awaz aur sahra hua hai sabz posh

de pyala ab to saqi kuchh nahin dharka raha

waza kah mohtasib se ham hue hain jam nosh

hai yahi dahshat mabada ye jo bhawe khalq kun

be tarah dariya-e-dil ko ab mire aya hai josh

ai khumar aluda dil janan ke sunmukh samhelo

husn ke bazar mein rakhta wo ankhen mai farosh

har ghari har an dil mein imtiyaz ab yad kar

waqia ko karbala ke la nazar mein kar kharosh