میں ہی دستک دینے والا میں ہی دستک سننے والا

میں ہی دستک دینے والا میں ہی دستک سننے والا

اپنے گھر کی بربادی پر میں ہی سر کو دھننے والا

جیون کا سنگیت اچانک انتم سر کو چھو لیتا ہے

ہنستا ہی رہتا ہے پھر بھی میرے اندر مرنے والا

رشتے بوسیدہ دیواروں کے جیسے ڈھہ جائیں پل میں

لیکن میں بھی دیواروں کے ملبے سے سر چننے والا

لفظوں کے پانو کو چھو کر آشیروادی لہجے میں

میری غزلوں میں بھی اک جذبہ ہے دل کو چھونے والا

تھوڑی سی مہلت ملتی تو پاپوں سے میں ہی بھر لیتا

جیون کا اک صفا بھی تھا کیسے سادہ رہنے والا

میں اپنے دکھ کے ساگر میں کوئی پتھر پھینکوں کیسے

برسوں تک نا ممکن ہے وہ لوٹے لہریں گننے والا

main hi dastak dene wala mein hi dastak sunne wala

apne ghar ki barbadi par main hi sar ko dhunne wala

jiwan ka sangit achanak antim sar ko chhu leta hai

hansta hi rahta hai phir bhi mere andar marne wala

rishte bosida diwaron ke jaise dha jaen pal mein

lekin main bhi diwaron ke malbe se sar chunne wala

lafzon ke paon ko chhu kar asherwadi lahje mein

meri ghazlon mein bhi ik jazba hai dil ko chhune wala

thori si mohlat milti to papon se main hi bhar leta

jiwan ka ik safa bhi tha kaise sada rahne wala

main apne dukh ke sagar mein koi patthar phenkun kaise

barson tak na mumkin hai wo laute lahren ginne wala